"Chelsi" va "Barselona"ning sobiq chap qanot himoyachisi Markos Alonso Angliya Premer-ligasiga qaytishga tayyor.

Jurnalist Fabritsio Romanoning xabariga ko'ra, himoyachi "Manchester Yunayted" bilan shartnoma imzolashga tayyor.

Eslatib o'tamiz, Lyuk Shou jarohati tufayli "mankunianliklar" yangi himoyachi sotib olish uchun transfer bozoriga kirmoqchi. "Manchester Yunayted" byudjet variantini qidirmoqda va Markos erkin agent va Premer-liga tajribasini hisobga olgan holda yaxshi nomzod.

Avvalroq, "Manchester Yunayted" Londonning "Tottenxem" klubidan Serxio Regilonni qayta ijaraga olish variantini ham ko'rib chiqayotgani xabar qilingandi.