"Barselona"ning yangi futbolchisi Dani Olmo tez orada jamoada debyutini o'tkazishi mumkin. Ispaniyalik futbolchining "RB Leyptsig"dan transferi deyarli ikki hafta oldin amalga oshirilgandi.

Kataloniya klubi haligacha 26 yoshli futbolchini moliyaviy cheklovlar tufayli ro'yxatdan o'tkazmagan, ammo tez orada buni amalga oshirishga qodir ko'rinadi. Insayder Janluka Di Martsioning so'zlariga ko'ra, "Barselona" Olmoni ro'yxatga olishni payshanba kuni yakunlamoqchi.

Shundan so'ng darhol "ko'k-anorranglilar" rahbariyati yana bir hujumkor futbolchi "Yuventus"dan Federiko Kezaning transferi ustida qizg'in ishlarni boshlaydi.