"Barselona" bosh murabbiyi Xans-Diter Flik "Yuventus" vingeri Federiko Kezaning transferini ma'qulladi. La Liga giganti futbolchining agenti bilan ehtimoliy kelishuvni muhokama qilmoqda.

26 yoshli italiyalikning shartnomasi bir yildan kamroq vaqt ichida tugaydi, shuning uchun uni bozor qiymatidan ancha arzonga sotib olish mumkin.

Nemis mutaxassisi futbolchini uch yil avval “Bavariya” ustozi sifatida o'z jamoasiga jalb qilmoqchi bo'lgan, ammo keyin “Yuventus” bu taklifni rad etgandi.

“Barselona” Federiko Keza uchun so'ralgan 15 million evroni to'lashni rejalashtirmayapti, biroq futbolchining o'zi transferga tayyor.