"Barselona" prezidenti Joan Laporta Evropa Superligasi loyihasining Chempionlar ligasiga ijobiy ta'sirini ta'kidladi.

"Superliga o'z pozitsiyasini o'zgartirgani yo'q. Bu UEFAga Chempionlar ligasi formatini yaxshilashga yordam berdi. Men yangi formatdan xursandman va oldinda bundan ham ko'proq zavqlanadigan o'yinlar bo'lishidan xursandman", - dedi Laporta "Barselona" matbuot xizmatiga.

2021 yilning aprel oyida Evropaning bir qator klublari rahbarlari Superliga tashkil etilishini rasman tasdiqladilar. Yangi turnirga 12 ta klub asos solgan. Ularga yana uchtasi qo'shilishi kutilgandi. Bu jamoalar Superliganing doimiy ishtirokchisiga aylanishi kerak edi.