Kataloniyaning "Barselona" klubi vingeri Lamin Yamal "Oltin to'p"ga nomzodlar ro'yxatiga kiritilgani haqidagi xabarga izoh berdi.

"Men "Barselona"da ajoyib mavsum o'tkazdim. Bu "Oltin to'p" nominatsiyasi faqat boshlanishi. Men ko'p mehnat qilishda davom etmoqchiman va jamoamga foyda keltirmoqchiman", - dedi Yamal Barca Buzz bilan suhbatda.

17 yoshli Yamal Ispaniya chempionatida to'rtta o'yinda bitta gol urdi va to'rtta golli uzatmani amalga oshirdi. Eslatib o'tamiz, yozda Lamin Evropa chempionligini qo'lga kiritgan Ispaniya terma jamoasining asosiy o'yinchilaridan biri edi.