Niko Uilyamsning «Barselona»ga o'tmaslik ehtimoli katta.

Ispan OAV xabariga ko'ra, 22 yoshli vinger mavsum oxirida «Atletik»ni tark etishi mumkin.

Shu bilan birga, futbolchining keyingi manzili «Barselona» emas, balki Premer-ligadir.

Jurnalist Devid Ornshteynning aytishicha, o'tgan yozda Uilyamsni qo'lga kiritishga uringan Kataloniya klubi endi ispaniyalik uchun kurashda emas.

Nikoga da'vogarlar orasida APLdan «Arsenal», «Chelsi», «Manchester Yunayted» va «Tottenxem», shuningdek, Bundesligadan «Bavariya» bor.

Uning tovon puli taxminan 60 million evroni tashkil qiladi.