"Barselona" yarim himoyachi Dani Olmoni mavsumning ikkinchi qismi uchun qanday ro'yxatdan o'tkazishni ko'rib chiqmoqda. Hatto, agar ro'yxatdan o'tish muvaffaqiyatli yakunlanmasa, Olmo Kataloniya klubini erkin agent sifatida tark etishi mumkinligi haqida ham ma'lumotlar bor edi.

Olmoning ahvolini inobatga olgan holda, "Barselona" himoyachi Andreas Kristensenni yanvar oyida 30 million evroga sotmoqchi. 28 yoshli daniyalik futbolchiga "Inter", "Yuventus" va Angliya Premer-ligasi klublari qiziqish bildirmoqda. Bu haqda jurnalist Rudi Galettiga tayanib, Transfer News Live xabar bermoqda.

Andreas Kristensen mavsum boshida jarohat olgandi. Himoyachi bir necha haftadan so'ng safga qaytishi kerak.