Hozirda Saudiyaning "Al-Hilol" klubi sharafini himoya qilayotgan portugaliyalik qanot himoyachisi Joau Kanselu bir kun kelib "Barselona"ga qaytmoqchi. Bu haqda Ispaniyaning "Sport" nashri xabar tarqatdi.

30 yoshli futbolchining riyodliklar bilan shartnomasi 2027 yilning iyunigacha mo'ljallangan. U o'tgan yozda "Manchester Siti"dan Saudiya klubiga ko'chib o'tgandi.

Kanselu o'tgan mavsumni ijara asosida "Barselona"da o'tkazgan. U "ko'k-anorranglilar" safida jami 42 ta o'yinda 4 ta gol urib, 5 ta assist bergan.