"Barselona" himoyachi Erik Garsiyaning qishki transfer oynasida ketishiga ruxsat bermaydi, deb yozadi insayder Ekrem Konur.

Garsiya - "Barselona"ning yoshlar tizimi mahsuli. 2017 yilning iyulida "Manchester Siti" uni 1,7 million evro evaziga sotib oldi. 2021 yilning iyulida himoyachi erkin agent sifatida Kataloniya klubiga qaytdi. Uning shartnomasi 2026 yilning 30 iyuniga qadar amal qiladi.

Avvalroq "Jirona" 2023/24 yilgi mavsumda ijara asosida o'ynagan Garsiyani sotib olmoqchi ekani xabar qilingandi.

"Nyukasl", "Borussiya Dortmund", "Real Sosedad", "Portu", "Roma" va "Inter" ispaniyalik himoyachining holatini kuzatib borishmoqda.

Joriy mavsumda Erik "Barselona" safida 12 ta o'yinda maydonga tushdi.