"Barselona"ga Dani Olmo va Pau Viktorni ro'yxatdan o'tkazishga ruxsat beriladi.

Eslatib o'tamiz, La Liga va Ispaniya Qirollik futbol federatsiyasi (RFEF) "Barsa"ni Dani Olmo va Pau Viktor bilan ro'yxatdan o'tkazishdan bosh tortganini e'lon qilgan edi. Kataloniya klubi Oliy sport kengashiga (CSD) murojaat qildi.

Cadena SER xabariga ko'ra, CSD "Barsa"ga ushbu futbolchilarni vaqtincha ro'yxatdan o'tkazishga ruxsat beradi. Bu qaror rasman elon qilinganidan keyin Olmo va Viktor maydonga qaytishlari mumkin.

Hujumchi va yarim himoyachining Ispaniya Superkubogi yarim finalida "Atletik"ga qarshi o'yindagi ishtiroki hamon so'roq ostida. "Blaugrana" etib borsa, ular finalda o'ynashlari mumkin.

Bu hukm yakuniy emas va o'yinchilarga mavsum oxirigacha "Barca"da o'ynashga ruxsat berilgan degani emas. CSD "Barselona"ning so'rovi qonuniy asosga ega ekanligini tan oladi, ya'ni klub taqdim etgan 52 sahifalik hujjatda ekspertiza o'tkazish uchun etarli dalillar mavjud.

Endilikda yuqoridagi organning yuridik xizmatlari ishni har tomonlama o'rganib, yakuniy qaror qabul qilish uchun uch oygacha muddatga ega.