"Barselona" futbolchisi Rafinya Dias "Real" ustidan qozonilgan yirik g'alabadan so'ng (5:2) jurnalistlar bilan suhbatlashdi.

28 yoshli vinger Ispaniya Superkubogi finalida ikkita gol urdi va golli uzatmani amalga oshirdi. Aynan braziliyalik futbolchi uchrashuvning eng yaxshi futbolchisi deb topildi.

"Biz "Real Madrid" qanchalik kuchli ekanini bilamiz. Biz qattiq mehnat qildik va g'alaba qozonishimizga ishonchimiz komil edi. Bu eng muhim narsa. Yakkama-yakka kurashlarda yaxshi yoki yomon ishlashimning ahamiyati yo'q. Men jamoaga yordam berish uchun kelganman", - dedi Rafinya Managing Barca bilan suhbatda.

Rafinya joriy mavsumda 27 o'yinda 19 ta gol urgan va 11 ta golli uzatmani amalga oshirgan.