Robert Levandovski "Barselona"ning Ispaniya Superkubogidagi g'alabasidan so'ng o'z fikrlarini bildirib o'tdi.

Turnir finalida kataloniyaliklar "Real"ni 5:2 hisobida mag'lub etishdi.

"Laporta" meni tabrikladi va birinchi bo'limda juda yaxshi o'ynaganimizni aytdi.

Birinchi bo'limni ajoyib o'tkazdik, so'nggi 30 daqiqada bitta kam qolganimizdan keyin qiyinroq bo'ldi, ammo 5:1 yoki 5:2 hisobida g'alaba qozonasanmi, nazorat kerak.

"Real"ga qarshi o'yinlar har doim qiziqarli bo'ladi, ayniqsa final. Muhimi, hozir va kelajakda qanday o'ynashni xohlashimiz. Biz har doim ko'proq narsani xohlaymiz va bugun biz "Real"dan ko'proq gol ursak chempionlikni qo'lga kiritishimizni bilardik. Biz juda xursandmiz, lekin uch kundan keyin bizni yana bir uchrashuv kutib turibdi. Bugun biz rohatlanishimiz mumkin, ammo ertadan boshlab navbatdagi o'yinga tayyorgarlik ko'ramiz.

Rojdestvo bayramida, biz uyda bo'lganimizda, nima noto'g'ri qilganimiz haqida o'ylash foydali bo'ldi va endi mavsum tugashiga ko'p o'yinlar qoldi. La Liga, Qirol kubogi, Chempionlar ligasi... Kimga qarshi o'ynamaylik, ularga yaxshi tayyorgarlik ko'rishimiz kerak. Ikkinchi bo'limda biz tajriba va ko'proq sabr bilan o'ynadik" - dedi "Barselona" forvardi Movistar nashriga bergan intervyusida.