"Barselona" darvozaboni Mark-Andre ter Shtegen jarohatidan tiklanishda davom etmoqda. Yakshanba kuni "ko'k-anorranglilar" sardori turnir o'yinlarida ishtirok eta olmaganiga qaramay, Ispaniya Superkubogi kubogini boshi uzra ko'tardi.

Finalda Xans-Diter Flik shogirdlari "Real"ni 5:2 hisobida mag'lub etishdi. Uchrashuvdan so'ng Ter Shtegen o'z ahvoli haqida gapirdi.

"Mening tuzalishim uzoq, ammo tunnel oxiridagi yorug'likni allaqachon ko'rib turibman. Inyaki Penya va Voytsex Shesni kerak bo'lganda kerakli saviyani ko'rsatishga qodir" - dedi 32 yoshli germaniyalik darvozabon Managing Barca bilan suhbatda.