Ronald Arauxoning jamoadoshlari undan ketish haqidagi qarorini qayta ko'rib chiqishni so'ramoqda. Turli manbalarga ko'ra, urugvaylik futbolchini "Yuventus"ga o'tish ehtimoli o'ziga tortmoqda.

Turin klubi 25 yoshli futbolchini qishki transfer oynasida qo'lga kiritishga tayyor, biroq hozircha "Barselona" bilan kelishuvga erishgani yo'q. Diario AS xabariga ko'ra, Arauxoning jamoadoshlari birinchi bo'lib undan qolishni so'rashgan.

Ispaniya Superkubogida "Real Madrid" ustidan qozonilgan 5:2 hisobidagi g'alabadan so'ng darhol Robert Levandovski va Gavi markaziy himoyachi bilan gaplashgan. Ronald Arauxoning "Barselona" bilan shartnomasi 2026 yilning o'rtalariga qadar amal qiladi.