"Milan" hujumni kuchaytirish uchun variantlarni izlashda davom etmoqda. "Rossonerlar"ning asosiy maqsadi "Chelsi" futbolchisi Joau Feliks bo'lib, A Seriya klubi hujumchini "Chelsi"dan mavsum oxirigacha ijaraga olishga tayyor.

La Gazzetta dello Sport xabariga ko'ra, "Milan" "Barselona" vingeri Ferran Torresning nomzodini ham ko'rib chiqmoqda. Agar Feliks bilan kelishuv amalga oshmasa, ispaniyalik futbolchi "B rejasi" sifatida tanlangan.

Torres ushbu mavsumda Xans-Diter Flik jamoasida 20 ta o'yinda maydonga tushib, 6 ta gol urdi va 2 ta golli uzatmani amalga oshirdi.