"Barselona" hujumchisi Robert Levandovski "Benfika"ga (5:4) qarshi Chempionlar ligasi o'yinidan so'ng intervyu berdi.

"Bugun biz "Benfika"ga uchta gol sovg'a qildik, ammo yakunda ko'proq gol urgan g'alaba qozonadi.

Himoyada ham, hujumda ham yaxshilanishimiz kerak. Bizga nimadir etishmayapti, diqqatimizni shu muammolarga qaratishimiz kerak.

O'ylaymanki, bugungi g'alaba bizga mavsumning qolgan qismida ishonch bag'ishlashi mumkin, ammo biz qaerda yaxshilanishimizni tahlil qilishimiz kerak. Kelajakda biz o'yinni yanada ishonchli nazorat qilishimiz kerak", dedi Levandovski o'yindan keyingi intervyusida.