"Chelsi" yarim himoyachisi Koul Palmer "Barselona" qanot hujumchisi Lamin Yamal haqida o'z fikrini bildirdi.

"Ko'klar" sardori eng yaxshi yosh futbolchini tanlashda 17 yoshli ispaniyalik Lamin Yamalni Kobbi Maynu va Xavi Simonsdan ustun qo'ydi.

"Nima uchun men Yamalni tanladim? U 17 yoshda. Aql bovar qilmas, shunday emasmi? Men uni bu mavsumda ko'p kuzatmadim, lekin Evro finalida unga qarshi o'ynaganimizda... Uni kuzatish juda zavqli. U g'ayritabiiy iste'dod egasi, u juda zo'r. Bu shunchaki hayratlanarli," - deya Palmer Sky Sports savollariga javob berar ekan, o'z tanlovini izohladi.