"Barselona" qishki transferlar oynasi yopilgunga qadar Markus Reshfordni ijaraga olish bo'yicha kelishuvni yakunlashga umid qilmoqda.

Ba'zi ma'lumotlarga ko'ra, "Manchester Yunayted" forvardi "ko'k-anorranglilar" safiga qo'shilishga tayyor, biroq bu harakatni amalga oshirish uchun kataloniyaliklar o'z futbolchilaridan biri bilan xayrlashishiga to'g'ri keladi. Transfer News Live'ning El Nacional nashriga tayanib xabar berishicha, "Barselona" markaziy himoyachi Andreas Kristensenni "qizil iblislar"ga qo'yib yuborishga tayyor, shunda Reshford kataloniyaliklar safiga o'ta oladi.

Avvalroq, Angliya klubi Transfermarkt tomonidan 20 million evroga baholangan 28 yoshli daniyalik futbolchiga qiziqish bildirayotgani haqida xabarlar tarqalgan edi.