"Barselona" bosh murabbiyi Xans-Diter Flik Ispaniya chempionatida "Valensiya"ga qarshi o'yin oldidan jamoasining natijalari haqida o'z fikrlari bilan o'rtoqlashdi.

"Men uchun har bir uchrashuvda g'alaba qozonish muhim. Biz har doim keyingi o'yin haqida o'ylaymiz. "Valensiya" bilan uchrashuvdan keyin barcha fikrlar "Atalanta" haqida bo'ladi. "Xetafe" bilan o'yinga kelsak, g'alaba qozona olmaganimizda o'zimiz aybdormiz. Bu bizning eng yaxshi o'yinimiz emas edi. Biz yondashuvimizni o'zgartirib, butun o'yin davomida diqqatimizni jamlashimiz kerak", - deya germaniyalik murabbiyning so'zlarini keltirmoqda «Marca» nashri.

O'yin ertaga, 26 yanvar kuni Barselonadagi stadionda bo'lib o'tadi va start hushtagi Toshkent vaqti bilan soat 01:00da yangraydi.