"Barselona" bosh murabbiyi Xans-Diter Flik Ansu Fatining holati haqidagi savolga javob berdi. Hujumchi La Liganing yakshanba kuni bo'lib o'tgan "Valensiya"ga qarshi o'yinda (7:1) zaxirada qoldi.

Turli manbalarga ko'ra, Kataloniya grandi Fati bilan hisoblashmayapti va qishki transfer oynasida u bilan xayrlashishga tayyor, biroq futbolchi ketishdan bosh tortmoqda.

"Menimcha, Ansu qolishni xohlaydi va bu yaxshi. U mashg'ulotlarda yaxshilanmoqda", - deydi Flik.