"Barselona" bosh murabbiyi Xans-Diter Flik jamoasining Chempionlar ligasidagi istiqbollari haqida o'z fikrlari bilan o'rtoqlashdi.

“Ko'k-anorranglilar" umumiy bosqich yakuniy jadvalida ikkinchi o'rinni egallab, turnirning 1/8 finaliga yo'l oldi. La Liga grandining keyingi raqibi "PSJ", "Monako", "Brest" yoki "Benfika" bo'ladi.

“1/8 finaldagi raqiblar? Keyingi o'yin, keyingi qadam haqida o'ylash har doim yoqimli. Keling, juma kuni nima bo'lishini ko'ramiz. Ko'pgina top jamoalar to'g'ridan-to'g'ri 1/8 finalga chiqa olmadilar. Bu qiyin bo'ladi", dedi Flik.