"Barselona" bosh murabbiyi Xans-Diter Flik jamoaning turnirdagi o'rni haqida gapirdi. Kataloniyaliklar La Ligada peshqadam "Real"dan 7 ochko ortda qolib, uchinchi o'rinda bormoqda.

"Vaziyat yomon. Ko'p ochko yo'qotdik. Biz ochko to'plashimiz va o'zimizni isbotlashimiz kerak. Biz ketma-ket o'yinlarda g'alaba qozonib, "Real"ga bosim o'tkazishimiz kerak. Etti ochko ortda qolganingizda, bosim o'tkazish oson emas, lekin biz kurashni davom ettiramiz", - dedi Flik.

2 fevral, yakshanba kuni "Barselona" Ispaniya chempionati doirasidagi uy uchrashuvini "Alaves"ga qarshi o'tkazadi.