"Barselona" bosh murabbiyi Xans-Diter Flik Ispaniya chempionati doirasida "Alaves" ustidan qozonilgan g'alabadan so'ng (1:0) fikr bildirdi.

"Bu qiyin o'yin bo'ldi, biz juda ko'p mehnat qildik. "Real"ning kechagi natijasini hisobga olib, uch ochko olish juda muhim edi. Biz futbolchilarga hujum qilishimiz kerak bo'lgan hududlarni ko'rsatdik. Uchrashuvning ikkinchi bo'limi ancha yaxshi o'tdi.

Men jamoa uchun juda xursandman. Futbolchilar gol urishga harakat qilishdi, ammo raqib yaxshi himoyalangani uchun bu qiyin kechdi.

Gavi? U o'yinni davom ettirmoqchi edi. Uni almashtirish mening yoki futbolchining qarori emas. Bu shifokorning qarori", - deya Flik so'zlarini keltiradi Marca.