"Barselona" bosh murabbiyi Ernesto Valverde nima uchun Lionel Messini "Inter"ga qarshi bo'ladigan o'yin uchun qaydnomaga kiritmaganiga izoh berdi."Biz jamoaviy ishlarni klub ichida hal qilamiz. Murabbiy zarur deb hisoblagan qarorlarni qabul qiladi. Biz o'yindan o'yinga harakat qilamiz. Shu bois, Messini qaydnomaga kiritmaslikka qaror qildim. U shunchaki dam oladi va boshqa narsa emas. Oldinda muhim o'yinlar kutib turibdi. Shuning uchun ba'zi futbolchilarni tarkibga kiritmadim.O'tgan yili "Juzeppe Meatstsa"da ajoyib o'yin o'tkazgan edik, boz ustiga, Messisiz", - dedi Valverde AS nashriga bergan intervyusida."Inter" - "Barselona" o'yini bugun tunda — Toshkent vaqti bilan 01:00da boshlanadi. "Barselona" pley-off yo'llanmasini hal qilgan bo'lsa, "Inter" guruhdan chiqish uchun kurashni davom ettirmoqda.