"Barselona" yana uchta asosiy futbolchisi bilan yangi shartnoma imzolashga umid qilmoqda.

Klub yaqinda Pedri, Gavi, Ronald Arauxo va Pau Kubarsi bilan shartnoma uzaytirilganini e'lon qildi, ammo ular bu bilan to'xtashni rejalashtirmayotganga o'xshaydi. Mundo Deportivo xabariga ko'ra, sport direktori Deku hozirda Lamin Yamal, Rafinya Dias va Jyul Kunde bilan yangi shartnomalar ustida ishlamoqda. Oxirgi ikkisining amaldagi kelishuvlari 2027 yilda tugaydi, 17 yoshli vunderkindning shartnomasi esa 2026 yilgacha amal qiladi.

"Barselona" La Liganing 23-turidan so'ng turnir jadvalida uchinchi o'rinda bormoqda. Chempionlik poygasida peshqadamlik qilayotgan "Real Madrid" bilan oradagi farq ikki ochkoga teng.