Kazemiro Lionel Messi va Krishtianu Ronaldu davri haqida gapirdi.

- Sizningcha, Messining "Barsa"dagi oltin davri "Real Madrid"ning besh yil ichida to'rtta Chempionlar Ligasidagi g'alabasi bilan barbod bo'ldimi?

"Buni tushuntirish qiyin. Messi tarixdagi eng yaxshi o'yinchilardan biri edi, lekin bizda boshqa o'yinchi Krishtianu Ronaldu bor edi. Ularning qilgan ishi noyob edi. Mening avlodimda eng yaxshilari Krishtianu, Messi edi... va shuni qo'shimcha qilamanki, Neymar ulardan biroz orqada. Men uni shohsupaga qo'ygan bo'lardim.

Lekin Krishtianu va Messi futbol uchun juda ko'p ish qildi va uni o'zgartirdi. Gvardiola tiki-taka futbolini o'zgartirganidek, bu ikkisi ham uni o'zgartirdi. Bir mavsumda 50 ta gol normaldek tuyulardi", dedi avvalroq "Real"da o'ynagan "Manchester Yunayted" yarim himoyachisi.