Xans-Diter Flik La Liganing fevral oyi uchun eng yaxshi murabbiyi deb e'lon qilindi.  «Barselona» bosh murabbiyi mavsum davomida uchinchi marta ushbu mukofotga sazovor bo'ldi. Bu sovrin uchun Pepe Bordalas («Xetafe») va Karlos Korberan («Valensiya») ham da'vogarlik qilishgan edi.  Fevral oyida Flik boshqaruvidagi «Barselona» La Ligadagi barcha 4 ta o'yinda g'alaba qozonib, jami 8:1 hisobida raqiblarini mag'lub etdi. Jamoa 25 turdan so'ng 53 ochko jamg'arib, chempionatda etakchilik qilmoqda.