Braziliyalik futbolchi ijara asosida "Betis"da o'ynamoqda. U yakshanba kuni sevilyaliklardagi so'nggi o'yinini o'tkazgan ko'rinadi. Sport.es xabariga ko'ra, Roke "Palmeyras"ga o'tishini yakunlash uchun kelasi hafta boshida vataniga boradi. Shartnoma deyarli kelishib olindi. 

"Barselona" futbolchini sotishdan taxminan 25 mln evro ishlab oladi – summa iyun oyi oxirigacha to'lanadi. Bundan tashqari, Kataloniya grandi 19 yoshli forvardning bo'lajak sotuv summasidan 20 foizini oladi.

Vitor Roke "Barselona"ga 2024 yil boshida "Atletiko Paranaense"dan 30 mln evro evaziga o'tgan edi.