FIFA «Barselona»ga 19 yoshli hujumchi Vitor Rokening «Palmeyras»ga transferini amalga oshirishga rozilik berdi. Bu haqda Mundo Deportivo xabar bermoqda.  Manbaning ma'lumotiga ko'ra, Korollik Ispaniya Futbol Federatsiyasi (RFEF) va La Liga ushbu bitimni ma'qullamaganiga qaramay, FIFA Reglamentining 5.2-moddasi asosida futbolchining Braziliya klubiga o'tishi mumkin.  Transfer amalga oshishi uchun «Barselona» 28 fevralgacha Vitor Roke bilan «Betis» o'rtasidagi ijara shartnomasini bekor qilishi kerak. Ayni shu kuni Braziliyadagi transfer oynasi yopiladi. Agar kelishuv muvaffaqiyatli yakunlansa, «Barselona» futbolchining 80% huquqlari evaziga 25 mln evro oldi.  Joriy mavsumda Roke barcha musobaqalarda 30 ta o'yinda ishtirok etib, 7 ta gol va 2 ta assist qayd etgan. Uning «Barselona» bilan shartnomasi 2031 yil yozigacha amal qiladi. Transfermarkt portaliga ko'ra, futbolchining bozor bahosi 20 mln evroni tashkil etadi.