"Barselona" hujumchisi Lamin Yamal Ispaniya chempionatining fevral oyidagi 23 yoshgacha bo'lgan eng yaxshi o'yinchisi deb tanlandi. Bu mukofot La Liga va Riyadh Season hamkorligida topshirildi. Uning mahorati, tezligi va o'yinni ko'rish qobiliyati Xansi Flik jamoasiga bu oyda musobaqada mukammal natija qayd etishga yordam berdi va ularni turnir jadvalida etakchilikka olib chiqdi.  Atigi 17 yoshda bo'lishiga qaramay, Lamin Yamal "Barselona" safidagi eng xavfli hujumchi hisoblanadi. "Barsa" fevral oyida maksimal 12 ochko to'pladi. U o'zining hayratlanarli o'yin uslubi bilan "Deportivo Alaves"ga qarshi bahsda 21 marta dribling qilgan bo'lsa, ularning 11 tasini muvaffaqiyatli bajardi. Bu natija orqali u Lionel Messining La liganing bir uchrashuvida 10 muvaffaqiyatli dribling rekordini ortda qoldirdi. Shuningdek, u "Las Palmas"ga qarshi bahsda (2:0) jamoasining birinchi goliga assistentlik qildi."Barselona"ning 19-raqamli o'yinchisi ushbu mavsumda ikkinchi marta ushbu sovrinni qo'lga kiritdi. Yakuniy ovoz berishda u Xavi Gerra ("Valensiya"), Uche ("Xetafe"), Xavi Rodiges ("Selta") va Jezus Rodriges ("Betis") kabi raqiblarini ortda qoldirdi.