"Manchester Siti" vingeri Jeremi Doku "Barselona"ning transfer maqsadlaridan biri bo'lib qolmoqda.

"Ko'k-anorranglilar"ning belgiyalik futbolchiga qiziqish bildirayotgani haqida avvalroq bir necha bor xabar berilgan. Transfer News Live nashrining El Nacional'ga tayanib xabar berishicha, 22 yoshli futbolchining vakillari allaqachon "Barselona" rahbariyati bilan bir nechta uchrashuv o'tkazgan. Tomonlar kelgusi yozda amalga oshirilishi mumkin bo'lgan ehtimoliy transferni muhokama qilishdi.

Transfermarkt bahosiga ko'ra, Jeremi Dokuning narxi 60 mln evroga teng. Joriy mavsumda futbolchi "shaharliklar" safida barcha musobaqalarda 24 ta o'yinda maydonga tushib, 6 ta gol va 7 ta golli uzatmani o'z hisobiga yozdirib qo'ydi.