Londonning "Chelsi" klubi 2024 moliyaviy yili natijalari bo'yicha so'nggi 5 yillikning eng qimmat klub sifatida qayd etildi.  UEFAning yillik hisoboti — "Evropa klublarining moliyaviy va investitsiya muhiti"ga ko'ra, "Chelsi" tarkibini shakllantirish uchun sarflangan mablag' rekord — 1,656 milliard evroni tashkil etdi. Bu 2023 yildagi "Manchester Yunayted"ning 1,422 milliard evrolik ko'rsatkichidan ham yuqori.Biroq katta sarmoyalarga qaramay, klub mavsum-2023/2024 da muvaffaqiyatga erishmagan — hech qanday sovrin yutmagan va Chempionlar Ligasiga chiqa olmagan.  Transferlar va xarajatlar  "Chelsi" 2022 yil yozda Todd Boeli va Clearlake Capital konsortsiumi tomonidan sotib olinganidan buyon juda katta transfer faoliyati olib bordi. Klub 6 ta transfer oynasi davomida 41 nafar futbolchini xarid qildi.  2019 yil iyuldan 2024 yil iyungacha "Chelsi"ning transferlar uchun sarflagan mablag'i 2 milliard evroga yaqin, bu eng yaqin raqiblariga nisbatan 66% ko'proq: - "Manchester Siti" – 1,175 mlrd evro - "Arsenal" – 1,145 mlrd evro - "Barselona" – 733 mln evro - "Liverpul" – 657 mln evroJoriy mavsumdagi holat  Hozirda "Chelsi" APLda 5-o'rinni egallab turgan bo'lsa, Evropa Ligasi musobaqasida o'z ishtirokini davom ettirmoqda. Jamoa 46 ochko jamg'argan va Chempionlar Ligasi zonasiga chiqish uchun faqat 1 ochko etishmayapti – "Manchester Siti" 47 ochko bilan 4-o'rinda.