Hujumchi Xulian Alvares yakshanba kuni La Liga doirasida "Barselona"ga qarshi o'yinda bir soat o'ynadi. Argentinalik forvard o'yindan oldin sog'lig'ida muammolarga duch kelgan bo'lsada, asosiy tarkibda maydonga tushdi. Alvares oshqozon virusi bilan kasallangan edi.

Uning hatto isitmasi ham bor edi, ammo klub shifokorlari argentinalikning ushbu muhim o'yinda ishtirok etishini ta'minlay olishdi. Qayd etilishicha, Xulianning o'zi ham o'ynashni juda xohlagan.

Aynan Xulian Alvares “Atletiko” – “Barselona” uchrashuvida hisobni ochdi.