Ikki mashhur vinger “Manchester Yunayted”ning radarida. TEAMtalk xabariga ko'ra, "qizil iblislar" "Barselona"ning braziliyalik hujumchisi Rafinya Diasni nishonga olishmoqda va "Atletik" futbolchisi Niko Uilyamsni ham diqqat bilan kuzatib borishmoqda.

Aniqlik kiritilishicha, transferlarni amalga oshirish uchun “Manchester Yunayted” birinchi navbatda bir nechta futbolchini sotishi kerak bo'ladi.

Joriy mavsumda Rafinya barcha turnirlarda 42 ta o'yin o'tkazib, 27 ta gol urdi va 20 ta golli uzatmani amalga oshirdi. Uilyams ushbu mavsumda 37 ta o'yinda maydonga tushib, 9 ta gol urdi va 7 ta golli uzatmani amalga oshirdi.