Ispaniya terma jamoasi bosh murabbiyi Luis de la Fuente UEFA Millatlar ligasi birinchi chorak finalida Niderlandiya terma jamoasi bilan safarda (2:2) o'yinda jarohat olgan "Barselona"ning 18 yoshli markaziy himoyachisi Pau Kubarsining o'rniga zudlik bilan terma jamoaga chaqiriladigan futbolchi nomini aytdi.

Mutaxassisning o'yindan keyingi matbuot anjumanida aytib o'tganidek, Kubarsining o'rniga Ispaniya terma jamoasida "Latsio"ning 24 yoshli markaziy himoyachisi Mario Xila maydonga tushadi.

"Real Madrid" klubi tarbiyalanuvchisi Xila 2022 yilning iyulidan beri Rim klubida o'ynamoqda. Joriy mavsumda u "burgutlar" safida barcha turnirlarda 34 ta o'yin o'tkazib, 2 ta gol urdi.