"Barselona" sport direktori Deku "Liverpul" qanot hujumchisi Luis Diasni sotib olishga qiziqmoqda, ammo kataloniyaliklar ichida kolumbiyalik futbolchini sotib olish borasida kelishmovchiliklar mavjud. Bu haqda El Nacional xabar bermoqda.

Manbaga ko'ra, Diasning transferi "ko'k-anorranglilar"ga taxminan 70 mln evroga tushishi mumkin. Biroq, "Barselona" Lamin Yamal va Rafinyaning hozirgi o'yin formasini hisobga olgan holda "Liverpul" hujumchisi uchun pul sarflash kerakligiga ishonchi komil emas. Agar Dias sotib olinsa, bu pozitsiyada ortiqcha futbolchilar paydo bo'lishi mumkinligi taxmin qilinmoqda.

Ta'kidlanishicha, Kataloniya klubi rahbariyati Dias transferi uchun rejalashtirilgan pullarni himoyachi yoki yarim himoyachi pozitsiyasini kuchaytirishga sarflashi mumkin, buni jamoa bosh murabbiyi Xans-Diter Flik so'ramoqda.