"Barselona" bosh murabbiyi Xans-Diter Flik "Osasuna"ning apellyatsiyasiga munosabat bildirdi. Pamplona vakillarining fikricha, jamoalar qoldirilgan o'yinni o'tkazgan payshanba kuni himoyachi Inigo Martines maydonga tushish huquqiga ega bo'lmagan. O'yinda "Barselona" o'z maydonida 3:0 hisobida g'alaba qozondi.

"Men bu borada hech narsa deya olmayman, bilmayman. Holat shunday. Biz uch ochko oldik, qolgani endi mening ixtiyorimda emas," - dedi Flik shanba kungi matbuot anjumanida.

30 mart, yakshanba kuni "Barselona" Ispaniya chempionatida "Jirona"ga qarshi uy uchrashuvini o'tkazadi. Kataloniyaliklar hozirda La Ligada peshqadamlik qilmoqda va ikkinchi o'rindagi "Real"ni 3 ochkoga ortda qoldirmoqda.