"Barselona" hujumchisi Robert Levandovski shaxsiy maqsadi haqida gapirdi.

36 yoshli futbolchining dubli yakshanba kuni La Liga doirasida bo'lib o'tgan "Jirona" (4:1) o'yinida Xans-Diter Flik jamoasiga g'alaba qozonishga yordam berdi. Polyakning hisobida "ko'k-anorranglilar" safida 97ta gol bor - ularning 38tasi joriy mavsumga to'g'ri keladi.

"Barselona" safida 100ta gol urish - maqsadlarimdan biri. Bu orzu. Hujumchi sifatida men uchun eng muhimi - ishonch. Raqib jarima maydonchasida yoki uning yonida turib, to'p menga etib borsa, qanday gol urishim haqida o'ylayapman," - deydi "Barselona" forvardi intervyuda.