Mablag' taqchilligini boshdan kechirayotgan Ispaniyaning "Barselona" klubi rahbariyati Robert Levandovski o'rniga yangi hujumchi bilan shartnoma imzolamoqchi.

Muhammad Salohning maoshi yuqori bo'lgani uchun uni sotib olishdan bosh tortgan kataloniyaliklar asosiy e'tiborni ikki nomzodga qaratishadi, deb xabar beradi Goal.com. 

"Yuventus" hujumchisi Dushan Vlaxovich bilan shartnoma imzolash istagi haqida ma'lumot fevral oyida OAVda paydo bo'lgan edi.

Ikkinchi da'vogar "Napoli"da o'ynayotgan Viktor Osimxen bo'ldi. Neapolliklar futbolchi uchun 75 million evro olishni kutmoqda.