"Barselona" yarim himoyachisi Pedri jamoadoshi Lamin Yamalning holatiga izoh berdi.

Chorshanba kuni "ko'k-anorranglilar" safarda "Atletiko"ni mag'lub etib (1:0), Ispaniya Kubogi finaliga yo'l oldi. Uchrashuvning 87-daqiqasida Yamal zaxiraga olindi. 17 yoshli vinger raqiblar tomonidan oyog'iga berilgan bir necha zarbalardan so'ng oqsoqlanib qoldi.

"Laminga nima bo'ldi? Bilmadim, men u bilan bu haqda gaplashmaganman. Biroq, o'ylashimcha, jiddiy hech narsa sodir bo'lmadi," - dedi Pedri o'yindan keyingi intervyusida.