Moskvaning “TsSKA” klubi yarim himoyachisi Miralem Pyanich jamoadoshi Abbosbek Fayzullaevning “Barselona”da o'ynash orzusi haqida fikr bildirdi.Kataloniyaliklar sobiq futbolchisi Fayzullaev orzu qilishdan to'xtamay, harakatni davom ettirish kerak ekanligini aytdi:"Abbos — juda sifatli futbolchi. Agar u “Barselona”ga o'tishni istasa, unga qarab harakat qilishi kerak. Bu yo'l oson emas, uzoq va mashaqqatli bo'ladi. Biroq hech qachon orqaga qaytmaslik, sustkashlikka yo'l qo'ymaslik lozim. Har kuni mashg'ulot va o'yinlarda bor kuchni berish zarur. Har doim kechagidan yaxshiroq harakat qilishga intilishi kerak", deya Pyanichning so'zlarini keltirdi Championat nashri.Eslatib o'tamiz, o'zbekistonlik futbolchi 2023 yilning yozida Moskva klubiga qo'shilgan. Shu vaqt ichida u barcha turnirlarda 60 ta o'yinda maydonga tushib, 8 ta gol va 21 ta golli uzatma muallifiga aylangan. Uning klub bilan amaldagi shartnomasi 2026 yil yoziga qadar mo'ljallangan.Transfermarkt portali Abbosbek Fayzullaevning transfer narxi 8 million evroga baholagan.