"Barselona" hujumkor yarim himoyachisi Dani Olmo jarohatidan forig' bo'lishga yaqin turibdi.

AS nashri xabariga ko'ra, 26 yoshli ispaniyalik futbolchi payshanba kunidan boshlab umumiy guruh mashg'ulotlariga qaytishi kutilmoqda. U "Borussiya Dortmund"ga qarshi EChL chorak finali javob o'yiniga to'liq tayyor bo'ladi.

Olmo bu mavsumda 28 ta o'yinda 8 ta gol urib, 5 ta golga assistentlik qilgan.