"Barselona"ning braziliyalik hujumchisi Rafinya Dias jamoa kiyinish xonasidagi eng sevimli futbolchilardan biri hisoblanadi. Bu haqda Diario Sport xabar bermoqda.

Manbaga ko'ra, aynan shu sababli Rafinya sardorlik bog'ichini olgan. Hissiyotlar junbushga kelganiga qaramay, u jamoadoshlariga yordam berishga doim tayyor bo'lgan birinchi futbolchi, deya ta'kidlaydi manba. Bundan tashqari Rafinya yosh futbolchilarga katta yordam beradi.

Joriy mavsumda 28 yoshli vinger barcha turnirlarda 44 ta uchrashuvda qatnashib, 27 ta gol urdi va 20 ta golli uzatma muallifiga aylandi.