"Barselona" ustozi Xans-Diter Flik Rafinyaning hozirgi holatiga baho berdi.

Ertaga kataloniyaliklar EChL chorak final ilk o'yinida "Borussiya Dortmund"ni qabul qiladi.

— Rafinyaning xalqaro tanaffusdan keyingi holati haqida qanday fikrdasiz? Bu mavsumda ko'p o'yinlarda maydonga tushdi, ammo mavsum so'ngiga yaqin u o'zining jonli harakatlaridan biroz yo'qotayotgan bo'lishi mumkinmi?

— Yo'q, aslo, men bunday taassurotga ega emasman. Xalqaro tanaffusdan so'ng biz ehtiyotkorlik qildik va unga asta-sekin qaytish uchun vaqt berdik. Ammo men mashg'ulotlarda ko'rayotgan narsalar shuni ko'rsatadiki, u aynan avvalgidek. U hushyor, maydonda va juda faol. Mashg'ulotlarda namoyish qilayotgan dinamika orqali u ertangi o'yinga tayyorligini isbotlamoqda", - dedi nemis mutaxassisi.