"Barselona" bosh murabbiyi Xans-Diter Flikning fikricha, jamoa keyingi mavsumni yanada muvaffaqiyatli o'tkazishi mumkin.

Kataloniya grandi 36-turda "Espanol"ni mag'lub etib (2:0) muddatidan avval Ispaniya chempioniga aylandi. "Ko'k-anorranglilar" Ispaniya Kubogi va mamlakat Superkubogini ham qo'lga kiritdi, Chempionlar Ligasida esa yarim finalga chiqishga muvaffaq bo'ldi.

"Biz ajoyib mavsumni o'tkazdik va juda mamnunmiz, ammo keyingi mavsum yanada ko'proq narsaga erishishimiz mumkin," - deya Flikning izohlarini keltiradi jurnalist Fabritsio Romano.

Eslatib o'tamiz, germaniyalik murabbiy "Barselona" boshqaruvida debyut mavsumini o'tkazmoqda. U o'tgan yozda Xavi Ernandes o'rnini egallagandi.