"Barselona" bosh murabbiyi Xans-Diter Flik Chempionlar ligasi doirasidagi "Borussiya"ga qarshi o'yin oldidan jamoasining holati haqidagi savolga javob berdi.

"Men har doim orzu qilish mumkinligini aytganman, ammo bu havaskorlar uchun. Futbolchilar va murabbiylar realist bo'lishlari kerak. Biz bu erga ko'p mehnat qilganimiz uchun keldik va oldinga intilishni xohlaymiz. Bu yil birorta ham o'yinda mag'lubiyatga uchramadik va shunday bo'lishini istaymiz. Lekin biz realist bo'lishimiz kerak", - dedi Flik jurnalistlarga.

"Barselona" va "Borussiya" o'rtasidagi Chempionlar ligasi chorak final uchrashuvi 9 aprel kuni Toshkent vaqti bilan soat 00:00da boshlanadi.