"Barselona" yarim himoyachisi Dani Olmo va shu klub forvardi Pau Viktor qolgan o'yinlarda maydonga tushishi mumkin.

Ma'muriy sud La Liga rahbariyatining kataloniyaliklar moliyaviy feyr-pley qoidalarini buzgani haqidagi navbatdagi shikoyatini ko'rib chiqib, ushbu futbolchilarni ro'yxatdan o'tkazishni ma'qulladi va shu tariqa avvalroq Ispaniya sport oliy kengashi tomonidan qabul qilingan qarorga rozi bo'ldi. Bu haqda AS xabar bermoqda.

Olmo va Viktorning litsenziya muammosi keyinroq hal qilinadi va bu ularning mavsumning qolgan o'yinlarida ishtirok etishiga to'sqinlik qilmaydi.