"Barselona" bosh murabbiyi Xans-Diter Flik markaziy himoyachi Ronald Arauxoning ahvoli haqida gapirdi.

Urugvaylik futbolchi "Leganes"ga qarshi o'yinni asosiy tarkibda boshladi, ammo tanaffusda uning o'rnini Frenki de Yong egalladi. Uchrashuv kataloniyaliklarning 1:0 hisobidagi g'alabasi bilan yakunlandi.

"Arauxoning mushaklarida biroz noqulaylik sezildi, lekin menimcha, u yaxshi bo'ladi", - dedi germaniyalik murabbiy.

Ronald Arauxo joriy mavsumda "Barselona" safida 17 ta o'yinda maydonga tushib, 2 ta gol urdi va 2 ta golli uzatmani amalga oshirdi. Seshanba kuni "ko'k-anorranglilar" Chempionlar ligasi chorak finalida Dortmundning "Borussiya"siga qarshi javob o'yinini o'tkazadi.