Chempionlar ligasi nimchorak finalining javob o'yinida Dortmundning “Borussiya”siga mag'lub bo'lgan “Barselona” 4 yanvar kuni boshlangan seriyasiga chek qo'ydi.

Kataloniyaliklar bu uchrashuvga mag'lubiyatsiz 24 o'yinlik seriya bilan yaqinlashishdi. Ular oxirgi marta o'tgan yilning 21 dekabrida La Ligada "Atletiko"ga (1:2) mag'lub bo'lgandi.

Jamoa bosh murabbiyi Xans-Diter Flik mag'lubiyatsiz seriyasining davomiyligi bo'yicha "Barselona"ning eng yaxshi 3 nafar murabbiylari qatoriga kira olmadi. U Frank Raykard bilan to'rtinchi o'rinni bo'lishib turibdi. Kuchli uchlikdan Xosep Gvardiola (mag'lubiyatsiz 28 o'yin), Ernesto Valverde (29) va Luis Enrike (39) joy olgan.