"Barselona" prezidenti Joan Laporta "Real"ning Chempionlar ligasi chorak finalida "Arsenal"ga qarshi "Santyago Bernabeu"dagi javob o'yinida revansh olishi mumkinligi haqidagi  fikrlarga kuldi.

Madridliklar birinchi o'yinda 0:3 hisobida imkoniyatni boy berishdi.

"Bema'ni gaplarni bas qiling, menga yarim finaldan zavqlanishga ruxsat bering, siz hamisha bir xil ish qilasiz. Men doim futbol tomosha qilaman va menga futbol yoqadi. Biz allaqachon yarim finaldamiz va bu eng muhimi.

Yana shuni aytmoqchimanki, biz joriy mavsumda o'z oldimizga qo'ygan maqsadlarimizga erishish yo'lida ketyapmiz", – dedi Laporta.